Ayyanthole : നാളെ പതിമൂന്നാം തീയതി ഞായറാഴ്ച നടക്കാനിരിക്കുന്ന catechism day പ്രോഗ്രാമിന് ഉള്ള എല്ലാവിധ ഒരുക്കങ്ങളും പൂർത്തിയായി. നാളെ ഉച്ചയ്ക്ക് രണ്ടരയോടെ കൂടി ആരംഭിക്കുന്ന പ്രോഗ്രാമിലേക്ക് എല്ലാ വിദ്യാർഥികളെയും മാതാപിതാക്കളെയും ഇടവക അംഗങ്ങളെയും സാദരം ക്ഷണിക്കുന്നതായ് പ്രിൻസിപ്പൽ അറിയിച്ചു. നൃത്തച്ചുവടുകൾ കൊണ്ടും കഥകൾ കൊണ്ടും മറ്റു കലാപരിപാടികൾ കൊണ്ടും അരങ്ങ് കൊഴുപ്പിക്കാൻ ഉള്ള എല്ലാ ഒരുക്കങ്ങളും വിദ്യാർഥികളുടെ ഭാഗത്തുനിന്ന് പൂർത്തിയായി. വിദ്യാർഥികളുടെയും മാതാപിതാക്കളുടെയും അധ്യാപകരുടെയും ആഴ്ചകൾ നീണ്ട പ്രയത്നത്തിൻ്റെ ഫലമാണ് നാളെ അരങ്ങിൽ നിറം പകരാൻ പോകുന്നത്. കഴിഞ്ഞ വർഷങ്ങളിൽ നടത്തപ്പെട്ട പരീക്ഷയിലെ വിജയികൾക്കും, ACC പൂർത്തിയാക്കിയ വിദ്യാർത്ഥികളുടെ സർട്ടിഫിക്കറ്റും നാളെ പ്രസ്തുത വേദിയിൽ വെച്ച് നൽകപ്പെടുന്നതാണ്.
