Ayyanthole: മണിപ്പൂരിൽ നടക്കുന്ന കലാപത്തിനും നരഹത്യക്കുമെതിരെ ശക്തമായ പ്രതിഷേധവും, ആ നാട്ടിലെ ജനങ്ങൾക്കുവേണ്ടി പ്രത്യേകമായ പ്രാർത്ഥനയും ഇടവക തലത്തിൽ ജൂൺ 19 ന് സംഘടിപ്പിച്ചു. ഇടവക ജനങ്ങളും വിശ്വാസ പരിശീലന യൂണിറ്റും പ്രതിഷേധത്തിൽ പങ്കുചേർന്നു. ഇത്രയും നാൾ നീണ്ടു നിന്നിട്ടും ഈ കലാപത്തിനെതിരെ യാതൊരു നടപടിയും സ്വീകരിക്കാതെ മൗനം പാലിക്കുന്ന രാഷ്ട്രീയനേതൃത്വങ്ങൾക്കെതിരെ ശക്തമായ പ്രതിഷേധം ഇടവക ജനങ്ങൾ രേഖപ്പെടുത്തി. ഇടവക വികാരി ഫാദർ ജയ്സൺ അച്ഛനും ഇടവക കൈകാരന്മാരും വിശ്വാസ പരിശീലനം അധ്യാപകരും പ്രതിഷേധത്തിനും പ്രാർത്ഥനയ്ക്കും നേതൃത്വം നൽകി. പ്ലക്കാടുകൾ വഴി വിദ്യാർത്ഥികളും തങ്ങളുടെ പ്രതിഷേധം രേഖപ്പെടുത്തി.
