Teachers tour 2022

 

Ayyanthole : യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം

അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള ഓരോ യാത്രയിലും പ്രതിഫലിക്കും. നമ്മിലെ ശിശുവായ സഞ്ചാരി ആ യാത്രയിൽ ഒട്ടേറെ അനുഭവ പാഠംങ്ങൾ സ്വായത്തമാക്കി കാണും. 

എല്ലാവർഷവും ഒരിക്കൽമാത്രം പോകുന്ന അധ്യാപകരുടെ വിനോദയാത്ര 2 വർഷങ്ങളായി കോവിഡ് കാരണം പോകുവാൻ സാധിച്ചിരുന്നില്ല. അതിനാൽ ഇത്തവണ മുൻവർഷങ്ങളിൽ പഠിപ്പിച്ച അധ്യാപകരെയും ഉൾപ്പെടുത്തിക്കൊണ്ട് ആയിരുന്നു 21/09/22 ന് യാത്ര. രാവിലെ 6:30 ന് വിശുദ്ധ കുർബാനയോട് കൂടി ആരംഭിച്ച യാത്ര രാത്രി 10:00 ന്

പള്ളിയിൽ തിരിച്ച് എത്തി അവസാനിച്ചു. യാത്ര co-ordinate ചെയ്ത പ്രിൻസിപ്പൽ, ജോസ് സർ, ജെയ്സൺ മാഷ് എന്നിവർക്ക് അധ്യാപകർ പ്രതേകം നന്ദി അറിയിച്ചു.

പി ടി എ ജനറൽബോഡി

 

Ayyanthole: മീറ്റിംഗ് അയ്യന്തോൾ പള്ളി മീഡിയ റൂമിൽ വച്ച് നടത്തുകയുണ്ടായി. പിടിഎ ഭാരവാഹികളും അധ്യാപകരും മീറ്റിങ്ങിൽ സന്നിഹിതരായിരുന്നു. കുട്ടികളുടെ പഠനനിലവാരംങ്ങളിൽ വരുന്ന മാറ്റങ്ങളും 

വിശ്വാസകാര്യങ്ങളിൽ കുട്ടികളുടെ ഇടയിൽ സംഭവിച്ചുകൊണ്ടിരിക്കുന്ന പിന്നോട്ട് പോകും ചർച്ചാവിഷയങ്ങൾ ആയിരുന്നു.കുട്ടികൾ ക്ലാസിലേക്ക് വൈകി വരുന്ന പ്രവണതകളെ കുറിച്ചും PTA ഭാരവാഹികൾ ആശങ്ക അറിയിച്ചു. കുട്ടികളിൽ കുറഞ്ഞുവരുന്ന വായനശീലവും ഭാഷാപരമായ അറിവില്ലായ്മയും ഭാവിയിൽ സൃഷ്ടിക്കാൻ ഇരിക്കുന്ന അപകടങ്ങളെ പറ്റിയും meeting ൽ ചർച്ച ചെയ്തു. അധ്യാപകരുടെയും വിശ്വാസപരിശീലന യൂണിറ്റിലെയും മുഴുവൻ പ്രവർത്തനങ്ങൾക്കുള്ള പൂർണ്ണ പിന്തുണയും പിടിഎ ഭാരവാഹികൾ അറിയിച്ചു. 

ടീച്ചേറ്സ് ധ്യാനം സമാപിച്ചു

പ്രകാശം പരത്തിയ ജിവിതം വിടവാങ്ങിയിട്ട് ഇന്ന് 25 വർഷം

 

കൊൽക്കത്ത • അഗതികളുടെ അമ്മയും കനിവിന്റെ മാലാഖയുമായ മദർ തെരേസ യുടെ സ്നേഹസാന്നിധ്യം മറഞ്ഞിട്ട് ഇന്ന് 25 വർഷം . 1910 ഓഗസ്റ്റ് 26 ന് അൽബേനിയൻ ദമ്പതികളുടെ മകളായി മാസിഡോണിയയിലാണു മദർ തെരേസയുടെ ജനനം. യഥാർഥ പേര് ആഗ്നസ് ബൊ ജക്സ്യൂ. കൊൽക്കത്തയിൽ മിഷനറി പ്രവർത്തനത്തിനെത്തിയ ജസ്യൂട്ട് മി ഷനറിമാരുടെ കത്തുകളിൽനിന്നാണ് ആ നഗരത്തിലെ മനുഷ്യരുടെ വേദനക ളെക്കുറിച്ചും നരകതുല്യമായ ജീവിത ത്തെക്കുറിച്ചും ആഗ്നസ് അറിയുന്നത് . വിദ്യാഭ്യാസത്തിനുശേഷം അഗതികളെ ശുശ്രൂഷിക്കാനുള്ള ആഗ്രഹത്തോടെ അയർലൻഡിലെ ഡബ്ലിനിലെ കന്യാസ് ത്രീമഠത്തിൽ അന്തേവാസിയായി ആഗ്ന സ് ചേർന്നു . അവിടെവച്ചാണു തെരേസ എന്ന പേരു സ്വീകരിച്ചത് . കൊൽക്കത്ത യിലെ പാവങ്ങൾ " ബംഗാളി തെരേസ എന്നാണ് ആദ്യകാലങ്ങളിൽ അവരെ വിളിച്ചിരുന്നത് . 19 -ാം വയസ്സിൽ കൊൽക്കത്തയിലെത്തി . നഗരത്തിലെ ചേരികളായിരുന്നു പ്രവർത്ത നമേഖല . കുട്ടികൾക്കായി ക്രീക്ക്സ് ലൈനിലെ സ്കൂൾ തുടങ്ങിയാണ് സേവനങ്ങളുടെ തുടക്കം . നീല ബോർഡ റുള്ള വെള്ള സാരി ധരിച്ച് 1948 ഓഗസ്റ്റ് 17 ന് കൊൽ കത്ത കേന്ദ്രമാക്കി മദർ തെരേസ തുടക്കം കുറിച്ച് മിഷനറീസ് ഓഫ് ചാരിറ്റി ലോകമെങ്ങും ലക്ഷക്കണ ക്കിനു പാവങ്ങൾക്ക് അഭയവും ആശയ വുമായിത്തീർന്നു . 1951 ൽ ഇന്ത്യൻ പൗരത്വമെടുത്തു .1979 ൽ സമാധാനത്തിനു ള്ള നൊബേൽ സമ്മാനം ലഭിച്ചു . 1997 സെപ്റ്റംബർ അഞ്ചിന് 87 -ാം വയസ്സിൽ ഹൃദയാഘാതത്തെത്തുടർന്നായിരുന്നു വിയോഗം . കത്തോലിക്കാ സഭ മദർതെരേസയെ 2003 ൽ വാഴ്ത്തപ്പെട്ടവളും 2016 ൽ വിശുദ്ധയുമായി പ്രഖ്യാപിച്ചു .

വിശ്വാസ പരിശീലകരെ ഒന്നിപ്പിച്ച് : *വചനാഗ്നി 2022*

 Ayyanthole: തൃശൂർ അതിരൂപതയിലെ വിശ്വാസ പരിശീലകർക്കായി സെപ്റ്റംബർ 4 മുതൽ 7 വരെ മണ്ണുത്തി ഡോൺബോസ്കോ ഹൈസ്കൂൾ ഗ്രൗണ്ടിൽ സംഘടിപ്പിച്ചിട്ടുള്ള വചനാഗ്നി 2022 ബൈബിൾ കൺവെൻഷന്റെ വിജയത്തിനായി എല്ലാവരും പ്രാർത്ഥിച്ച് ഒരുങ്ങി. ഇതാദ്യമായിട്ടാണ് അതിരൂപതയിലെ എല്ലാ വിശ്വാസപരിശീലന അധ്യാപകരെയും ഒന്ന് ചേർന്നുള്ള ഒരു ധ്യാനം സംഘടിപ്പിക്കുന്നത്. നമ്മുടെ ഇടവകയിൽ നിന്നും കൺവെൻഷന്റെ വിജയത്തിനായി വളരെയേറെ പ്രാർത്ഥനകൾ ദൈവസന്നിധിയിലേക്ക് ഉയരുന്നുണ്ട് . നമ്മുടെ ഇടവകയിലെ വിശ്വാസ പരിശീലകരും 4 ദിവസത്തെ ധ്യാനത്തിൽ പങ്കെടുക്കുന്നുണ്ട് .

ധ്യാനത്തിനായുള്ള എല്ലാ ഒരുക്കങ്ങളും പൂർത്തിയായതായി വിശ്വാസ പരിശീലന ഡയറക്റ്റർ അറിയിച്ചു. താമസസൗകര്യം പാർക്കിംഗ് സൗകര്യം മെഡിക്കൽ സേവനം മുതലായവയെല്ലാം ലഭ്യമാക്കിയിട്ടുണ്ട് എന്ന് ഡയറക്ടർ അറിയിച്ചു.

*വചനാഗ്നി 2022* ബൈബിൾ കൺവെൻഷൻ വിജയത്തിനു വേണ്ടി 21.08.2022 ഞായറാഴ്ച മുതൽ  *ദിവ്യകാരുണ്യ ആരാധനയോടു കൂടെയുള്ള മധ്യസ്ഥപ്രാർത്ഥന* തൃശ്ശൂർ ഡി. ബി. സി. എൽ. സി. ചാപ്പലിൽ ഉണ്ടായിരുന്നു.

വചനാഗ്നി 2022 ബൈബിൾ കൺവെൻഷനിൽ പങ്കെടുക്കാൻ യൂണിറ്റുകളിൽ നിന്നും വരുന്ന വാഹനങ്ങളിൽ പ്രദർശിപ്പിക്കുന്ന സ്റ്റിക്കർ മാതൃക (A4 & A3 സൈസ് )ഇതോടൊപ്പം യൂണിറ്റുകൾക്ക്  അയച്ച് നൽകിയിരുന്നു. 

ഡയറികൾ വിതരണം ചെയ്തു

Ayyanthole: രണ്ടുവർഷത്തെ ഇടവേളക്കുശേഷം 2022-23 വർഷത്തെ ഡയറികൾ തയ്യാറായി. വിശ്വാസ പരിശീലനവുമായി ബന്ധപ്പെട്ട എല്ലാ വിവരങ്ങളും ഡയറിയിൽ ഉൾപ്പെടുത്തിയിട്ടുണ്ട് . ഏറെ ആകർഷണീയമായ കവർ ചിത്രവും, ഞായറാഴ്ചകളിൽ വായിക്കേണ്ട ബൈബിൾ ഭാഗങ്ങളും, സിലബസും, മറ്റു പരീക്ഷ ക്രമങ്ങളും എല്ലാം ഈ വർഷത്തെ ഡയറിയെ മികച്ചതാക്കുന്നു. എല്ലാ ക്ലാസിലെ വിദ്യാർഥികൾക്കും ഡയറികൾ ക്ലാസ്സിൽ വെച്ച് തന്നെ നൽകുകയുണ്ടായി.

ലോഗോസ് ക്വിസ് : മോഡൽ എക്സാം

 Ayyanthole: എല്ലാവർഷവും അതിരൂപതയുടെ മേൽനോട്ടത്തിൽ നടത്തിവരുന്ന ലോഗോസ് ക്വിസ് പരീക്ഷയുടെ മോഡൽ എക്സാം Catechism യൂണിറ്റിൽ വച്ച് കാറ്റികിസം തന്നോടൊപ്പം 9 മണി മുതൽ 9:20 വരെ നടത്തുകയുണ്ടായി. ലോഗോസ് ക്വിസ് പരീക്ഷയ്ക്ക് കുട്ടികളെ ഒരുക്കുന്നതിനായി എല്ലാവർഷവും അയ്യന്തോൾ കാറ്റിസം യൂണിറ്റിനെ ആഭിമുഖ്യത്തിൽ 2 മോഡൽ പരീക്ഷകൾ ആണ് നടത്താറ് അതിൽ ആദ്യത്തെ പരീക്ഷയായിരുന്നു ഇന്ന് നടന്നത് . മുൻകൂട്ടി തയ്യാറാക്കിയ ചോദ്യപേപ്പറുകളും, ആൻസർ കീ ഉപയോഗിച്ചാണ് പരീക്ഷ നടത്തിയത്. പരീക്ഷയ്ക്ക് ശരിയായ ഒരുക്കുന്നതിനും, പാഠഭാഗങ്ങൾ മുൻകൂട്ടി പഠിച്ചു തീർക്കുന്നതിനും ഇത്തരത്തിലുള്ള മോഡൽ എക്സാം വിദ്യാർത്ഥികളെ സഹായിക്കുന്നതായി അധ്യാപകർ അഭിപ്രായപ്പെട്ടു. ലോഗോസ് ക്വിസ് നായുള്ള രണ്ടാമത്തെ മോഡൽ പരീക്ഷ ലോഗോസ് Quiz ന് ഒരാഴ്ച മുൻപ് നടത്തപെടും എന്ന് പ്രിൻസിപ്പൽ അറിയിച്ചു.