രജതജൂബിലിയുടെ നിറവിൽ

Ayyanthole: വികാരിയച്ചൻ റവ. ഫാ. ജെയ്സൻ പുന്നശ്ശേരിയുടെ പൗരോഹിത്യത്തിന്റെയും നിർമ്മല കോൺവെന്റ് മദർ സുപ്പിരിയർ റവ .സിസ്റ്റർ കാതറിൻ CHF ൻ്റെ സന്യാസ സമർപ്പണത്തിന്റെയും , രജത ജൂബിലി ആഘോഷങ്ങൾ ( 1997-2022 ) ഇടവക തലത്തിൽ നവംബർ 27 -ാം തിയ്യതി ഞായറാഴ്ച സംയുക്തമായി ആഘോഷിച്ചു . അന്നേ ദിവസം വൈകിട്ട് 4 മണിക്ക് ജുബിലേറിയൻ്റെ മുഖ്യ കാർമ്മികത്വത്തിൽ കൃതജ്ഞതാബലിയും തുടർന്ന് 6:30 pm മണിക്ക് പൊതുസമ്മേളനവും നടന്നു . ഇടവക ജനങ്ങൾ ഇവരോടുള്ള സ്നേഹവും ആദരവും  പ്രതേകം പ്രകടിപ്പിച്ചു . മാർ . ആൻഡ്രൂസ് താഴത്ത് (CBCI പ്രസിഡന്റ്) ആശംസകൾ അറിയിച്ചു. മോൺ.ജോസ് വല്ലൂരാൻ (വികാരി ജനറൽ) പൊതുയോഗം ഉദ്ഘാടനം ചെയ്തു. ശ്രീ . ടി.എൻ. പ്രതാപൻ ( M.P.) യും സന്നിഹിതരായിരുന്നു.

സമ്മാനപ്പെരുമഴ

Ayyanthole: ക്രിസ്തുരാജത്വ തിരുനാളിനോട് അനുബന്ധിച്ച് നടത്തിയ placard മത്സരങ്ങളിൽ ബെസ്റ്റ് പ്ലക്കാർഡ് ഉണ്ടാക്കിയ വിദ്യാർത്ഥികൾക്കും, ഏറ്റവും കൂടുതൽ പ്ലക്കാർഡുകൾ ഉണ്ടാക്കിയ ക്ലാസ് ആർക്കും ഇന്ന് അസംബ്ലിയുടെ അനുബന്ധിച്ച് സമ്മാനങ്ങൾ വിതരണം ചെയ്തു. ഒപ്പം അധ്യാപകദിനത്തിൽ ക്ലാസ്സെടുത്ത് ACC വിദ്യാർഥികളിൽനിന്ന് ബെസ്റ്റ് ടീച്ചർ ആയി തെരഞ്ഞെടുത്ത 2 വിദ്യാർത്ഥികൾക്ക് സമ്മാനങ്ങൾ നൽകി ആദരിച്ചു.

ലഹരിക്കെതിരെ ബോധവൽക്കരണ ക്യാമ്പയ്ൻ

തൃശൂർ അതിരൂപത വിശ്വാസ പരിശീലന കേന്ദ്രം : ലഹരി വിരുദ്ധ ബോധവൽക്കരണ ക്യാമ്പയ്നിൽ 20.11.2022 ഞായറാഴ്ച ഉച്ചക്ക് 1.30 മുതൽ ഡി. ബി. സി. എൽ. സി. ഓഡിറ്റോറിയത്തിൽ വെച്ച് നടന്നു. ഉദ്ഘാടനം : മാർ ടോണി നീലങ്കാവിൽ അധ്യക്ഷൻ : മോൺ. ജോസ് കോനിക്കര വിദഗ്ധർ നയിക്കുന്ന സെമിനാർ, ചർച്ചകൾ, ബോധവൽക്കരണ പ്രവർത്തനങ്ങൾ, ഇടവകകൾക്കുള്ള പ്രവർത്തന മാർഗ്ഗനിർദേശങ്ങൾ തുടർപരിശീലന പരിപാടികളെ പറ്റി ചർച്ച എന്നിവയും നടത്തപ്പെടുകയുണ്ടായി.

യൂണിറ്റ് വിസിറ്റ് 2022

Ayyanthole: എല്ലാവർഷവും നടത്തിവരുന്ന കാറ്റിസം യൂണിറ്റ് വിസിറ്റ് ഈ വർഷവും നടത്തപ്പെടുക യുണ്ടായി. അതിരൂപതയിൽ നിന്ന് നിയോഗിക്കപ്പെടുന്ന 3 അധ്യാപകരാണ് യൂണിറ്റിന് ഇൻസ്പെക്ടറായി വന്നത്. യൂണിറ്റിലെ പ്രവർത്തനങ്ങൾ പ്രത്യേക പരിശോധിക്കുന്നതിനും യൂണിറ്റിന് പ്രവർത്തനങ്ങളുടെ അപാകതകൾ ചൂണ്ടിക്കാണിക്കുന്നതിനും യൂണിറ്റിന് വളരെയധികം സഹായകമായി. രാവിലെ നടന്ന അസംബ്ലിയിൽ വച്ച് പ്രിൻസിപ്പൽ യൂണിറ്റിലേക്ക് inspection ന് വന്ന അധ്യാപകർക്ക് സ്വാഗതമരുളി. ശേഷം അധ്യാപകർ എല്ലാ ക്ലാസുകളിലും വിസിറ്റ് ചെയ്യുകയുണ്ടായി. വിശുദ്ധ കുർബാനയ്ക്ക് ശേഷം സ്റ്റാഫ് മുറിയിൽവച്ച് യൂണിറ്റ് വിസ്റ്റിന് വന്ന അധ്യാപകരും യൂണിറ്റിലെ എല്ലാ അധ്യാപകരും പ്രിൻസിപ്പലും ഒന്നിച്ചു കൂടുകയും യൂണിറ്റിനെ പ്രവർത്തനങ്ങളെ പറ്റിയും തുടർ പ്രവർത്തനങ്ങളെ പറ്റിയും ചർച്ച ചെയ്യുകയും ചെയ്തു. ചർച്ചയ്ക്കുശേഷം സ്നേഹവിരുന്നും, തുടർന്ന് യൂണിറ്റിലെ ഫയലുകളും മറ്റും പരിശോധിക്കുകയും യൂണിറ്റ് വിസിറ്റ് അവസാനിക്കുകയും ചെയ്തു.

ക്രിസ്തുരാജന് ജയ് : രാജാധിരാജന് ജയ്

Ayyanthole : ക്രിസ്തുരാജത്വ തിരുനാൾ ആയ ഇന്ന് catechism യൂണിറ്റിൽ നിന്ന് ഇടവക പള്ളിയിലേക്ക് ക്രിസ്തുവിൻറെ രാജ്യത്ത്വം പ്രഖ്യാപിച്ചുകൊണ്ടുള്ള റാലി നടക്കുകയുണ്ടായി. പ്രസ്തുത റാലിയിൽ എല്ലാ അധ്യാപകരും വിദ്യാർത്ഥികളും പങ്കെടുത്തു . എല്ലാ വിദ്യാർത്ഥികളും താന്താങ്ങളുടെ ശൈലിയിൽ പ്ലക്കാർഡുകൾ ഉണ്ടാക്കുകയും, ക്രിസ്തുവിൻറെ രാജ്യത്ത്വം പ്രഖ്യാപിച്ചുകൊണ്ടുള്ള ജയ് വിളികൾ മുഴക്കുകയും ചെയ്തു. മികച്ച പ്ലക്കാർഡുകൾ ക്കും ഏറ്റവും കൂടുതൽ പ്ലക്കാർഡ് ഉണ്ടാക്കിയ ക്ലാസ്സുകൾക്കും എൽപി, യുപി, ഹൈസ്കൂൾ സെക്ഷനുകളായി തിരിച്ച് സമ്മാനം നൽകുമെന്ന് പ്രിൻസിപ്പൽ അറിയിച്ചു. റാലിക്ക് ശേഷം വിദ്യാർത്ഥികൾ ഒരുക്കിയ Flash mob ഏവർക്കും കൗതുകമായി.

കളറായ് Catechism Day 2022

 

Catechism day കളർ ആക്കാൻ ഒരുങ്ങി വിദ്യാർത്ഥികൾ

 

Ayyanthole : നാളെ പതിമൂന്നാം തീയതി ഞായറാഴ്ച നടക്കാനിരിക്കുന്ന catechism day പ്രോഗ്രാമിന് ഉള്ള എല്ലാവിധ ഒരുക്കങ്ങളും പൂർത്തിയായി. നാളെ ഉച്ചയ്ക്ക് രണ്ടരയോടെ കൂടി ആരംഭിക്കുന്ന പ്രോഗ്രാമിലേക്ക് എല്ലാ വിദ്യാർഥികളെയും മാതാപിതാക്കളെയും ഇടവക അംഗങ്ങളെയും സാദരം ക്ഷണിക്കുന്നതായ് പ്രിൻസിപ്പൽ അറിയിച്ചു. നൃത്തച്ചുവടുകൾ കൊണ്ടും കഥകൾ കൊണ്ടും മറ്റു കലാപരിപാടികൾ കൊണ്ടും അരങ്ങ് കൊഴുപ്പിക്കാൻ ഉള്ള എല്ലാ ഒരുക്കങ്ങളും വിദ്യാർഥികളുടെ ഭാഗത്തുനിന്ന് പൂർത്തിയായി. വിദ്യാർഥികളുടെയും മാതാപിതാക്കളുടെയും അധ്യാപകരുടെയും ആഴ്ചകൾ നീണ്ട പ്രയത്നത്തിൻ്റെ ഫലമാണ് നാളെ അരങ്ങിൽ നിറം പകരാൻ പോകുന്നത്. കഴിഞ്ഞ വർഷങ്ങളിൽ നടത്തപ്പെട്ട പരീക്ഷയിലെ വിജയികൾക്കും, ACC പൂർത്തിയാക്കിയ വിദ്യാർത്ഥികളുടെ സർട്ടിഫിക്കറ്റും നാളെ പ്രസ്തുത വേദിയിൽ വെച്ച് നൽകപ്പെടുന്നതാണ്.

Children's Ministry meeting : November

 Ayyanthole: രണ്ടാം ശനിയാഴ്ചയായ ഇന്ന് ചിൽഡ്രൻസ് മിനിസ്ട്രി യുടെ ആഭിമുഖ്യത്തിൽ വിശുദ്ധ വിധിക്കുശേഷം മീറ്റിംഗ് കൂടുകയുണ്ടായി. 43 ഓളം കുഞ്ഞുമക്കൾ മീറ്റിംഗിൽ പങ്കെടുത്തു. 

വിശ്വാസ പരിശീലന അധ്യാപക ദിനത്തിൻറെ സന്തോഷത്തിൽ : യൂണിറ്റ്

 Ayyanthole: വിശുദ്ധ ചാൾസ് ബെറോമിയോയുടെ തിരുനാൾ കഴിഞ്ഞുവരുന്ന ഞായറാഴ്ചയാണ് വിശ്വാസ പരിശീലകരുടെ ദിനമായി നമ്മൾ ആചരിക്കുന്നത് . ഇന്നത്തെ രണ്ടാമത്തെ ദിവ്യബലിയും മുഴുവൻ നയിച്ചത് വിശ്വാസപരിശീലന അധ്യാപകരാണ്. ഇന്നേ ദിവസം ക്ലാസ്സ് എടുത്തത് എസിസി യിലെ നമ്മുടെ കുട്ടികളായിരിന്നു. കുർബാനയ്ക്ക് എല്ലാ ടീച്ചർമാരും കാഴ്ച സമർപ്പിച്ചു. കാഴ്ച സമർപ്പണത്തിന്റെ സമയത്ത് സാന്ദ്ര ടീച്ചർ ആമുഖം വായിക്കുകയും തുടർന്ന് ജയ്സൺ അച്ചൻ ബലിയർപ്പിക്കുകയും ചെയ്തു.

പഴയ നിയമ വായന അബിൻ സാബുരാജ് മാഷും, ലേഖനം അഞ്ചു ടീച്ചറും, കാറോസൂസ ജയിന്‍ മാഷും വായിച്ചു.

വിശുദ്ധ ചാൾസ് ബറോമിയോ യെപ്പറ്റി വിശുദ്ധരെ പരിചയപ്പെടുത്തൽ ഭാഗത്ത് എൽഡിയ  ടീച്ചർ വളരെ മനോഹരമായി ബലിക്കു ശേഷം അവതരിപ്പിച്ചു. ടീച്ചറുടെ പ്രസംഗത്തിലെ ഏതാനും വരികൾ ചുവടെ കുറിക്കുന്നു:

"മിലാനിലെ പ്രസിദ്ധമായ ബറോമിയോ കുടുംബത്തിൽ 1538 ഒക്ടോബർ രണ്ടിനാണ് ചാൾസ് ബെറോമിയോ ജനിച്ചത്. ജീവിതവഴികൾ തിരഞ്ഞെടുക്കേണ്ട സമയമായപ്പോൾ അദ്ദേഹം പൗരോഹിത്യം തെരഞ്ഞെടുത്തു. സാമർത്ഥ്യം പരിഗണിച്ച് പിന്നീട് അദ്ദേഹത്തെ തേടിയെത്തിയത് ഉന്നതമായ പദവികൾ ആണ് . അങ്ങനെ അദ്ദേഹം മിലാനിലെ ആർച്ച് ബിഷപ്പ് സ്ഥാനത്തേക്ക് വരെ ഉയർന്നു. 1567 ലെ പ്ലേഗ് നും പഞ്ഞത്തിനുമിടയ്ക്ക്  അദ്ദേഹം ദിനംപ്രതി 60,000 മുതൽ 70,000 പേരെ വീതം ശുശ്രുഷിച്ചുകൊണ്ടിരുന്നു. വളരെയേറെ പണം കടം വാങ്ങിയാണ് അദ്ദേഹം അത് ചെയ്തത്. പിന്നീട് അദ്ദേഹത്തിൻറെ മഹത്വം എടുത്തുകാണിക്കുന്ന ഒരു അവസരം. സർക്കാർ അധികാരികൾ ഈ പ്ലേഗിൻ്റെ സമയം ജനങ്ങളെ വിട്ടോടി പോയപ്പോൾ, അദ്ദേഹം അവരുടെ ഇടയിൽ തന്നെ താമസിച്ചു അവരെ ശുശ്രൂഷിച്ചു എന്നുള്ളതാണ്. കൂടാതെ അദ്ദേഹം പ്ലേഗ് മൂലം മരിക്കുന്ന വരെ വളരെ ബഹുമാനപൂർവ്വം സംസ്കരിക്കുകയും ചെയ്തു. 

ഇന്ന് വി.ചാൾസ് ബറോമിയോയെ ഓർക്കുമ്പോൾ, സഹോദരനെ ശ്രേഷ്ഠനായ് കണ്ട് ശുശ്രൂക്ഷിക്കുവാൻ എന്നെയും പ്രാപ്തനാക്കണമെന് ഈ വിശുദ്ധനെ മാധ്യസ്ഥം തേടി നമുക്ക് പ്രാർത്ഥിക്കാം....

 നന്ദി "

അർദ്ധ വാർഷിക പരീക്ഷയുടെ പ്രോഗ്രസ്സ് റിപ്പോർട്ട് സൈൻ ചെയ്ത് മാതാപിതാക്കൾ

Ayyanthole: അർദ്ധവാർഷിക പരീക്ഷ യുടെ പ്രോഗ്രസ് കാർഡുകൾ സയൻസ് ചെയ്യാനുള്ള ദിവസമായിരുന്നു ഇന്ന്. മാതാപിതാക്കൾ രാവിലെ തന്നെ വരികയും അതത് ക്ലാസ് അധ്യാപകരെ കാണുകയും വിവരങ്ങൾ തിരക്കി പ്രോഗ്രസ് കാർഡ് sign ചെയ്യുകയും ചെയ്തു. കുട്ടികളുടെ പഠനത്തിലും വിശ്വാസ മേഖലയിലും കൂടുതൽ ശ്രദ്ധ കേന്ദ്രീകരിക്കണം എന്ന് അധ്യാപകർ മാതാപിതാക്കളെ ഓർമിപ്പിച്ചു.

കുട്ടി പ്രിൻസിപ്പലും അധ്യാപകരും

 

Ayyanthole: വിശ്വാസ പരിശീലകരുടെ ദിവസമായ ഇന്ന് പ്രിൻസിപ്പലായും, അധ്യാപകരായും അധ്യാപകർക്ക് പകരം നേതൃത്വം നൽകി വിദ്യാർത്ഥികൾ. ഇന്നേ ദിവസം എ സി സി ക്ലാസ്സിലെ വിദ്യാർത്ഥികളാണ് ഓരോ ക്ലാസുകളിലും ക്ലാസ്സുകൾ എടുത്തത്. ഏറ്റവും നന്നായി ക്ലാസ്സ് എടുത്ത് അധ്യാപകനായ വിദ്യാർത്ഥിയെ ഇതുവഴി തിരഞ്ഞെടുക്കുകയുണ്ടായി.വിദ്യാർഥികൾ തന്നെ അധ്യാപകരായും പ്രിൻസിപ്പലായും കടന്നുവന്ന നിമിഷങ്ങൾ ഏറെ കൗതുകവും രസകരവും അറിവ് തരുന്നതും ആയിരുന്നു. അതതു ക്ലാസിലെ ക്ലാസ് Leaders അവരുടെ പ്രിയപ്പെട്ട അധ്യാപകർക്ക് പൂച്ചെണ്ടുകൾ നൽകി ആദരിച്ചു.